Lamentationes di Geremia

(Emilio de Cavalieri)

PRIMA DIE (Feria V. In Coena Domini)- LECTIO PRIMA
Incipit Lamentatio Jeremiae Prophetae.
ALEPH Quomodo sedet sola civitas plena populo; facta est quasi vidua domina Gentium; princeps provinciarum facta est sub tributo.
BETH. Plorans ploravit in nocte, et lacrimae ejus in maxillis ejus: non est qui consoletur eam ex omnibus caris ejus: omnes amici ejus spreverunt eam, et facti sunt ei inimici
GHIMEL. Migravit Judas propter afflictionem et multitudinem servitutis: habitavit inter gentes nec invenit requiem: omnes persecutores ejus apprehenderunt eam inter angustias.
Jerusalem, Jerusalem, convertere ad Dominum Deum tuum..

PRIMA DIE - LECTIO SECUNDA
VAU. Et egressus est a filia Sion omnis decor ejus: facti sunt principes ejus velut arietes non invenientes pascua; et abierunt absque fortitudine ante faciem subsequentis;
ZAIN. Recordata est Jerusalem dierum afflictionis suae et praevaricationis, omnium desiderabilium suorum, quae habuerat a diebus antiquis, cum caderet populus ejus in manu hostili, et non esset auxiliator; viderunt eam hostes, et deriserunt sabbata ejus.
HETH. Peccatum peccavit Jerusalem, propterea instabilis facta est; omnes, qui glorificabant eam, (despexerunt) illam, quia viderunt ignominiam ejus; ipsa autem gemens conversa est retrorsum.
Jerusalem ecc.

PRIMA DIE - LECTIO TERTIA
JOD. Manum suam misit hostis ad omnia desiderabilia ejus; quia vidit Gentes ingressas Sanctuarium suum, de quibus praeceperas ne intrarent in ecclesiam tuam.
CAPH. Omnis populus ejus gemens, et quaerens panem; dederunt pretiosa quaeque pro cibo ad refocillandam animam. Vide, Domine, et considera, quoniam facta sum vilis.
LAMED. 0 vos omnes, qui transitis per viam, attendite, et videte si est dolot sicut doIor meus; quoniam vindemiavit me ut locutus est Dominus in die irae furoris sui.
Jerusalem ecc.

SECUNDA DIE (Feria VI. in Parasceve) - LECTIO PRIMA
De Lamentatione Jeremiae Prophetae.
HETH. Cogitavit Dominus dissipare murum filiae Sion; tetendit funiculum suum, et non avertit manum suam a perditione; luxitque antemurale, et murus pariter dissipatus est.
CAPH. Defecerunt prae lacrimis oculi mei, conturbata sunt viscera mea; effusum est in terra jecur meum super contritione filiae populi mei, cum deficeret parvulus et lactens in plateis oppidi.
Jerusalem ecc.

SECUNDA DIE - LECTIO SECUNDA
LAMED. Matribus suis dixerunt: Ubi est triticum et vinum? cum deficerent quasi vulnerati in plateis civitatis; cum exhalarent animas suas in sinu matrum suarum.
MEM. Cui comparabo te! vel cui assimilabo te, filia Jerusalem! cui exaequabo te, et consolabor te, virgo filia Sion! magna est enim velut mare contritio tua; quis medebitur tui!
NUN. Prophetae tui viderunt tibi falsa et stulta, nec aperiebant iniquitatem tuam, ut te ad poenitentiam provocarent viderunt autem tibi assumptiones falsas, et ejectiones.
Jerusalem ecc.

SECUNDA DIE - LECTIO TERTIA
ALEPH. Ego vir videns paupertatem meam in virga indignationis ejus. Me minavit, et adduxit in tenebras, et non in lucem. Tantum in me vertit, et convertit manum suam tota die.
BETH. In tenebrosis collocavit me, quasi mortuos sempiternos.
GHIMEL. Sed et cum clamavero, et rogavero, exclusirt orationem meam.
Jerusalem ecc.

TERTIA DIE (Sabbato Sancto)- LECTIO PRIMA
De Lamentatione Jeremiae Prophetae.
HETH. Misericordiae Domini quia non sumus consumpti; quia non defecerunt miserationis ejus.
HETH. Novi diluculo, multa est fides tua.
HETH. Pars mea Dominus, dixit anima mea; propterea exspectabo eum. 
Jerusalem ecc.

TERTIA DIE - LECTIO SECUNDA
ALEPH. Quomodo obscuratum est aurum, mutatus est color optimus, dispersi sunt lapides sanctuarii in capite omnium platearum?
BETH. Filii Sion inclyti et amicti auro primo; quomodo reputati sunt in vasa testea, opus manuum figuli?
GHIMEL. Sed et lamiae nudaverunt mammam, lactaverunt catulos suos, filia populi mei crudelis, quasi struthio in deserto.
Jerusalem ecc.

TERTIA DIE - LECTIO TERTIA
Incipit Oratio Jeremiae Prophetae.
Recordare, Domine, quid acciderit nobis; intuere, et respice opprobrium nostrum. Haereditas nostra versa est ad alienos; domus nostrae ad extraneos. Pupilli facti sumus absque patre, matres nostrae quasi viduae.
Jerusalem ecc.